.::. Tnateef.net .::.

سافرت لمدة 3 أسابيع تقريباً ..

وايد ناس انصدموا !!

شو !! صدق مس هابي سافرت !!

قرار السفرة طلع بسرعة والتجهيزات تمت في يومين تقريباً ..

فما كان عندي وقت أسلم على وايد من ربعي قبل لا أسافر..

فاعذروني وسامحوني

المهم قبل أمس رديت

السفرة كانت شي الصراحة

أنا وأبوي مسافرين بس !!

ربعي يتطنزون علي .. يقولولي شو رايحة سفرة هني مووون ويا أبوج

- - - - - - - - - - - -

حضرت آخر يومين من مهرجان الكويت وجفت مجموعة من رفيجاتي هناك

< < بقوللكم التفاصيل العجيبة في بوست مستقل

استانست وايد في الكويت الصراحة

- - - - - - - - - - - -

كنت وايد خايفة أسير الهند ..

وحنيت على أبوي قبل لا نسافر أنه نسير الكويت وماليزيا وبس

أقوله ماله داعي نسير الهند ..

ماليزيا تكفي ..

بس أبوي تم مصر على رايه ..

وسلمت أمري للباري

ووافقت على مضض

الحين يوم رديت أقوللهم

لو يعطوني الجواز الهندي ما عندي مانع

وايد حبيت الهند ..

مزعجة ، وريحتها وايد حلوة ، ومزدحمة بس حددددها عجيبة

- - - - - - - - - - - -

آخر محطة كانت في ماليزيا

هذي ثاني مرة أزور فيها ماليزيا ..

فحسيت الوضع عادي ..

ما استانست فيها كثر الهند العجيبة

وبس هذي أخباري الأسابيع اللي طافت

^_^

إن شاء الله بنزل تقرير مصور عن رحلة الكويت والهند

^_^

.

.

.

.

.

.